Галоўнае статыстычнае ўпраўленне (ГСУ) правядзе апытанне аб умовах жыцця жыхароў Польшчы.
Збор дадзеных будзе ажыццяўляцца з 20 красавіка па 30 чэрвеня. Абраныя хатнія гаспадаркі атрымаюць тэлефонныя званкі або ліст. Апытанне будзе праводзіцца асабіста статыстычным інтэрв'юерам або па тэлефоне. Таксама будзе магчымы ўдзел праз Інтэрнэт.
Мэта апытання — зразумець узровень жыцця насельніцтва і параўнаць яго з іншымі краінамі Еўрапейскага Саюза.
Інтэрвʼюеры будуць пытацца пра такія справы, як жыллёвыя ўмовы, фінансавае становішча, стан здароўя, адукацыя і прафесійная дзейнасць. Апытанні будуць выкарыстоўвацца для разліку такіх паказчыкаў, як даходы, беднасць і сацыяльная ізаляцыя ў краінах ЕС. ГСУ запэўнівае, што толькі супрацоўнікі гэтай установы будуць мець доступ да апытанняў.
Сабраныя дадзеныя маюць выкарыстоўвацца выключна для аналізу.
Статыстычныя дадзеныя аб даходах і ўмовах жыцця ў Еўрапейскім Саюзе і справаздача (EU-SILC) рыхтуецца штогод.
У Польшчы Галоўнае статыстычнае ўпраўленне праводзіць апытанні з 2005 года.
IAR/яс