Рэгіянальныя аэрапорты ў Польшчы прыцягваюць інвестараў і яны з'яўляюцца важнымі для ўстойлівага эканамічнага развіцця гарадоў, у якіх яны размешчаны, адзначаюць эканамісты. Навукоўцы даследавалі ўплыў аэрапорта ў Познані на эканоміку Вялікапольшчы.
Патэнцыйная страта сувязяў азначала б зніжэнне цікавасці інвестараў, кажа прафесар Аркадыуш Кава(Arkadiusz Kawa) з Эканамічнага ўніверсітэта ў Познані.
— Кампаніі, якія вырашылі размясціць свае прадпрыемствы ў пэўным рэгіёне, напрыклад, такім як Познань, часта пытаюцца, ці сапраўды існуе такая сувязь, — кажа эксперт.
Сетка сувязяў і блізкасць аэрапорта да цэнтра горада прыцягваюць турыстаў у Познань, дадае Ян Мазурчак(Jan Mazurczak) з мясцовай турыстычнай арганізацыі.
— Мы эканомім шмат часу, прылятаючы ў аэрапорт у цэнтры Познані і працягваючы агляд славутасцяў. Гэта абсалютна неабходна для развіцця дзелавога турызму, — лічыць Мазурчак.
Старшыня аэрапорта «Познань-Лавіца» Гжэгаж Быкоўскі(Grzegorz Bykowski) таксама кажа пра важнасць рэгіянальнага аэрапорта ў кантэксце будаванага цэнтральнага хаба Порт «Польшча».
— Пасажыры, якіх у наш рэгіён прыцягне Порт «Польшча», хутчэй за ўсё, адмовяцца ад Берлінскага аэрапорта, — кажа Гжэгаж Быкоўскі.
Познань — адзіны горад у Польшчы, які знаходзіцца ў межах трохгадзіннага часу ў дарозе ад пяці іншых аэрапортаў краіны, а таксама ад аэрапорта ў Берліне.
IAR/аз