Інфляцыя ў жніўні вырасла больш, чым чакалася. Паводле папярэдняй ацэнкі Галоўнага статыстычнага ўпраўлення, у згаданым месяцы жыхары Польшчы заплацілі за спажывецкія тавары і паслугі на 3,4% больш, чым у аналагічным перыядзе мінулага года. У ліпені гэты паказчык складаў 3%.
Галоўны эканаміст PZU Давід Пахуцкі (Dawid Pachucki) лічыць, што рост інфляцыйнай рызыкі паўплывае на працэнтныя стаўкі:
— Дадзеныя аб інфляцыі заканчваюць дыскусію ў Радзе грашовай палітыкі на тэму магчымага зніжэння працэнтных ставак у бягучым годзе. Хутчэй за ўсё, сёлета працэнтныя стаўкі ў Польшчы ўжо не памяняюцца. Пра магчымае іх зніжэнне можна будзе гаварыць недзе ў сярэдзіне будучага года пры ўмове, што інфляцыя будзе змяншацца, — кажа эканаміст.
У сваю чаргу, паводле дадзеных Галоўнага статыстычнага ўпраўлення, тэмпы росту польскай эканомікі паскараюцца. Паводле іх, у другім квартале ВУП у Польшчы павялічыўся на 3,9% у параўнанні з аналагічным перыядам 2025 года.
Эканамістка Уршуля Крыньска (Urszula Kryńska) з PKO Bank Polski адзначае, што гэта крыху лепшы паказчык, чым папярэдняя ацэнка ўпраўлення, апублікаваная ў сярэдзіне жніўня:
— Другая ацэнка была крыху вышэйшай за папярэднія дадзеныя, якія паказвалі на рост на ўзроўні 3,8%. Гэты стабільны, амаль чатырохпрацэнтны эканамічны рост быў дасягнуты на фоне павялічэння спажывання, хоць і крыху слабейшага, чым у папярэднім квартале, і пры вельмі стабільных інвестыцыях, якія зараз растуць амаль на 10%. Мы мяркуем, што агулам — на працягу года — згаданы рост дасягне 3,5%. Дадзеныя за другі квартал не мяняюць нашага прагнозу, — падкрэслівае Уршуля Крыньска.
У першым квартале бягучага года польская эканоміка вырасла на 3,5%.
IAR/аз