Аб гэтым паведамляе сёння польскаму чытачу Dziennik Gazeta Prawna.
На думку публіцыста Міхала Патоцкага (Michał Potocki), з’яўляецца ўсё больш сімптомаў таго, што беларускія ўлады, карыстаючыся падтрымкай Крамля, рыхтуюць разгон пратэстуючых, калі б у выбарчую ноч адбылася эскалацыя пратэстаў.
Верагодна, будзе выкарыстана армія.
Лукашэнка наведаў спецназаўцаў з 5-ай брыгады ў Мар'інай Горцы пад Мінскам. – Ва ўзброеных сілах у нас два такія падраздзяленні: ваша брыгада і механізаваная брыгада ва Уруччы. Не хочацца, каб трэба было ўжываць армію. Але ўсё можа здарыцца. Вайсковая частка, з увагі на сваю спецыяльнасць, калі не дай Бог, здарыцца нейкі Майдан, у адпаведнасці з законам, можа быць выкарыстана для навядзення парадку, – патлумачыў Лукашэнка.
Улады часта прыгадваюць Лівію, Сірыю і Украіну, падкрэсліваючы, што ў гэтых краінах вайна пачалася якраз з вулічных пратэстаў.
Праўладны публіцыст Андрэй Макавозчык на старонках прэзідэнцкай «СБ. Беларусь Сегодня» нядаўна параўнаў апазіцыю з гітлераўскімі калабарантамі. «Вы гатовыя на тое, каб каго не стала ў вашай сямʼі? Рыхтуйцеся, яны могуць нават забіць і напэўна забʼюць.(...) Каляровая рэвалюцыя – гэта магіла для дзяржавы. Мы бачылі гэта не раз», – палохае Мукавозчык.
У Лукашэнкі поўная падтрымка Масквы. З пункту гледжання Крамля кровапраліцце ў Мінску на руку Расіі, бо такім чынам Лукашэнка згубіць магчымасць свабодных кантактаў з Захадам.
яс