X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Зварот Ціханоўскай да польскіх уладаў: «Папрасіце беларускія ўлады не страляць у народ»

30.07.2020 12:35
Святлана Ціханоўская хоча стаць галавой дзяржавы толькі на палову года, каб падрыхтаваць сумленныя выбары.
Святлана ЦіханоўскаяPAP/EPA/TATYANA ZENKOVICH

Dziennik Gazeta Prawna друкуе інтэрв’ю з кандыдаткай у прэзідэнты Беларусі Святланай Ціханоўскай. Яна адзначае, што яе рашэнне балатавацца было спантанным, калі мужа Сяргея арыштавалі (ён планаваў быць кандыдатам). Людзі ўжо стомленыя ўладай аднаго чалавека, сёлета на пагаршэнне адносінаў да ўлады паўплывала таксама пандэмія каранавіруса, – кажа Ціханоўская. «Страшна думаць пра тое, што ўлады могуць пайсці на жорсткія рэпрэсіі, калі пратэсты будуць нарастаць. Мы не хочам кровапраліцця, не хочам вайны, мы хочам толькі сумленных выбараў. Калі прэзідэнт гаворыць, што ён любіць свой народ, то ён хіба не павінен высылаць войска, каб яно страляла ў людзей», – адзначае суразмоўца выдання.

Ці ёсць сэнс удзельнічаць у выбарах? На думку Святланы, няма сэнсу галасаваць, калі ўся краіна адмаўляецца ўдзельнічаць у выбарах. Аднак большасць людзей мяркуе, што галасаваць трэба. «Таму мы заахвочваем людзей ісці на выбары», – кажа кандыдатка ў прэзідэнты.

Святлана Ціханоўская хоча стаць галавой дзяржавы толькі на палову года, каб падрыхтаваць сумленныя выбары, як прэзідэнцкія, так і парламенцкія. Яна не збіраецца клікаць людзей выйсці на вуліцы, яны самі вырашаць, што ім рабіць. Затое яна просіць польскія СМІ, каб яны заклікалі польскія ўлады звярнуцца да беларускага кіраўніцтва з просьбаю не страляць ва ўласны народ. «Улады, верагодна, і так сфальсіфікуюць выбары, але народ гатоў бараніць усімі спосабамі сумленныя выбары», – кажа Святлана Ціханоўская.

нг