X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

У. Падгол: АБСЕ выдатна ацаніла выбары ў Беларусі

07.11.2020 10:12
Палітычны аглядальнік запрашае на агляд самых важных падзей тыдня.
Аўдыё
  • АБСЕ выдатна ацаніла выбары ў Беларусі
Уладзімір Падголradyjo.net

У дакладзе прызначанага ў рамках Маскоўскага механізму дакладчыка АБСЕ Вольфганга Бэнэдэка сцвярджаецца, што парушэнні падчас выбараў былі на ўсіх этапах. Уладам Беларусі рэкамендуецца адмяніць вынікі прэзідэнцкіх выбараў 9 жніўня 2020 года і арганізаваць «новы электаральны працэс на аснове міжнародных стандартаў».

Акрамя таго, Мінску рэкамендуецца своечасова запрасіць для назірання за выбарамі місію Бюро па дэмакратычных інстытутах і правах чалавека (БДІПЧ) АБСЕ, гарантаваць удзел усіх прадстаўнікоў грамадскасці ў выбарчых камісіях, каб яны змаглі незалежна выконваць свае функцыі, і прывесці выбарчае права ў адпаведнасць са стандартамі, рэкамендаванымі БДІПЧ АБСЕ і ААН.

«У якасці агульнага вываду ёсць неабвержаныя доказы таго, што прэзідэнцкія выбары 9 жніўня 2020 года былі сфальсіфікаваныя, і што беларускія сілы бяспекі здзяйснялі масавыя і сістэматычныя парушэнні правоў чалавека ў адказ на мірныя дэманстрацыі і пратэсты», – гаворыцца ў аб'ёмным дакуменце на 58 старонак.

Дакладчык робіць выснову, што прэзідэнцкія выбары мелі відавочныя недахопы, якія не адпавядалі асноўным патрабаванням.


Міністр замежных спраў Вялікай Брытаніі Домінік Рааб заклікаў правесці ў Беларусі новыя прэзідэнцкія выбары. Гэта адбылося пасля публікацыі незалежнай справаздачы, якая пацвердзіла, што жнівеньскія выбары былі «сфальсіфікаваныя», і раскрыла маштабы парушэнняў правоў чалавека, зробленых рэжымам Лукашэнкі.

Вялікабрытанія ўзначаліла дыпламатычную кампанію ў справе міжнароднага незалежнага расследавання ў рамках АБСЕ паведамленняў пра фальсіфікацыі падчас прэзідэнцкіх выбараў, а таксама кампаніі гвалту, запалохвання і пераследу мірных дэманстрантаў уладамі Беларусі.


Дзяржсакратар Майкл Пампэа заклікаў улады Беларусі прыслухацца да патрабаванняў беларускага народа аб правядзенні свабодных і справядлівых выбараў. Заява Пампэа зʼявілася пасля публікацыі дакладу АБСЕ.

У Дзярждэпе заявілі, што ў дакладзе апісваюцца парушэнні правоў чалавека і злоўжыванні, учыненыя ў буйным маштабе і беспакарана беларускімі ўладамі падчас выбараў 9 жніўня і пасля іх. Выяўленыя дакладчыкам парушэнні правоў «мірных дэманстрантаў, актывістаў апазіцыі і журналістаў уключаюць катаванні, адвольныя затрыманні і абмежаванне свабоды выказвання меркаванняў, асацыяцый і мірных сходаў», – мяркуе Пампэа.


Аляксандр Лукашэнка прыняў даверчыя граматы ад паслоў у тым ліку ад апостальскага нунцыя Антэ Ёзіча.

Кіраўнік дзяржавы заявіў, што ён не хоча «апынуцца паміж молатам і кавадлам ды стварыць нейкія нязручнасці». Паводле яго слоў, ён абмяркоўваў гэтае пытанне з Папам рымскім, і кіраўнік Каталіцкай царквы паставіўся да яго са зразуменнем.
Раней тон заяў Аляксандра Лукашэнкі наконт візіту Папы быў іншым.

Генеральны вікарый Мінска-Магілёўскай архідыяцэзіі біскуп Юрый Касабуцкі пракаментаваў апошнія падзеі вакол адносін беларускай улады з Касцёлам.
Падчас сустрэчы Аляксандра Лукашэнкі з Мітрапалітам Мінскім і Заслаўскім Веніямінам было сказана шмат слоў пра Каталіцкі Касцёл.

Біскуп адзначыў, што гэта не толькі і не столькі словы аднаго чалавека, колькі словы, падрыхтаваныя і ўкладзеныя ў яго вусны пэўнымі «ідэолагамі» і «паліттэхнолагамі».


Пасол Беларусі ў Францыі Ігар Фісенка даў інтэрв’ю выданню Initiative Communiste («Камуністычная ініцыятыва»). Пасольства ў Францыі было адным з нешматлікіх у Еўропе прадстаўніцтваў, дзе пераможцам абвесцілі Лукашэнку, а не Ціханоўскую.

-Беларускія ўлады даказалі факты, што акцыі пратэсту ў Беларусі старанна планаваліся, рыхтаваліся, каардынаваліся, у тым ліку праз замежныя сацыяльныя сеткі. Напрыклад, Telegram-канал «Нехта», дзейнасць якога, паводле звестак некаторых СМІ, каардынуе Цэнтральная група псіхалагічнага дзеяння ўзброеных сіл Польшчы.


Лукашэнка нагадаў, што некалькі дзён таму ў Польшчы заявілі аб намерах запрашаць да сябе дактароў з-за мяжы, у тым ліку і з Беларусі, каб наладзіць барацьбу з каранавірусам.
«Вось і ўся казка аб прыгожым жыцці. Асабліва просяць нашых дактароў прыехаць у Польшчу, каб дапамагчы насельніцтву і дзяржаве ў барацьбе з кавідам. Хачу папярэдзіць: у нас няма лішніх дактароў. Нам самім трэба лячыць нашых людзей. Але, згодна з нашым прынцыпам, мы нікога трымаць не будзем. Аднак, трэба разумець: зʼехаў – назад не вернешся, там будзеш працаваць і зарабляць тыя вялікія грошы, за якімі зʼехаў», – падкрэсліў ён.

Лукашэнка звярнуў увагу, што гэта не пагроза, а загад для ўрада. «Таму ўсіх трэба ставіць на месца, нікому не перашкаджаючы ў выпадку, калі ён хоча вялікага рубля ці ў яго пазелянелі вочы ад валюты», – дадаў ён.


Уладзімір Падгол

Больш на гэтую тэму: Паміж радкоў