Эксперты разважаюць дзве версіі зліву: раскол сярод сілавікоў або ціск з боку Расіі.
Тэлеграм-канал «НЕХТА» апублікаваў запіс тэлефонных перамоў старшыні ФХБ Дзмітрыя Баскава і кікбаксёра Дзмітрыя Шакуты. Апошняга называюць адным з забойцаў Рамана Бандарэнка
11 лістапада ў «двор Пераменаў» на вуліцы Чарвякова ў Мінску прыехалі людзі ў масках. Яны зрэзалі БЧБ-стужкі і зафарбавалі мурал на трансфарматарнай будцы. Мясцовыя жыхары абурыліся дзеяннямі незнаёмцаў. Сярод іх быў і 31-гадовы Раман Бандарэнка. Невядомыя людзі скруцілі яго і пацягнулі ў машыну. У чацвер 12 лістапада Бандарэнка сканаў у бальніцы ў выніку цяжкай траўмы.
Калі размова Шакуты і Баскава пра абставіны смерці Рамана Бандарэнка праўда, гэта можа азначаць, што ўсе чыноўнікі і набліжаныя да Лукашэнкі людзі праслухоўваюцца КДБ ці службай бяспекі прэзідэнта. Кіраванне і лаяльнасць дасягаецца за кошт поўнага кантролю і кампрамату ў адносінах да чыноўнікаў, кажа палітолаг Павал Усаў.
Размаўляў Юры Ліхтаровіч
Слухайце аўдыёфайл