У Беларусі яшчэ 31 чалавека прызналі палітычным зняволеным. Людзей за непадпарадкаванне садзяць на гады ў калоніі, адпраўляюць на хімію. Ускалыхнула грамадствам і інфармацыя аб тым, што ўлады падрыхтавалі лагер на 2 тысячы чалавек для палітычных апанентаў пад Слуцкам.
Тым часам стала вядома, што Каманды дэмакратычных сіл правялі супольную сустрэчу і абмеркавалі План перамогі-2021. Паведамляецца, што офіс Святланы Ціханоўскай, Каардынацыйны савет, Народны антыкрызіснае кіраванне, Вераніка і Валеры Цапкала мабілізуюць сілы для:
- дапамогі людзям, якія пацярпелі ад рэпрэсій;
- нарошчвання пратэстнай актыўнасці;
- эканамічнага і палітычнага ціску на рэжым;
- падтрымкі мясцовых супольнасцяў;
- стварэння бяспечных інструментаў для выражэння галасы большасці;
- павелічэння падтрымкі дэмакратычных сілаў з боку дзяржслужачых;
- вяртання законнасці і пакарання вінаватых у гвалце.
На думку палітолага Паўла Усава, ужо цяпер можна канстатаваць паразу ў палітычным супрацьстаянні з уладамі:
-Пакуль увесь апазіцыйны блок функцыянуе ў асобных накірунках і структурах, без унутранай кансалідацыі, ідэі пабудавання альтэрнатыўнай дзяржавы. І ў гэтым я бачу галоўную праблему. Без кансалідацыі і фарміравання інстытутаў альтэрнатыўнай улады будзе цяжка рэалізоўваць якую заўгодна стратэгію барацьбы. Тым больш, што мы назіраем за пашырэннем тэрору ў Беларусі. Прэвентыўнае застрашэнне будзе працягвацца. У дадзены момант я сумняюся, што пратэсты ў Беларусі адновяцца на такім узроўні, як гэты было ў жніўні-верасні. Тым больш, што сістэма хутка перафарматавалася і не дапусціць такіх масавых маршаў. Акрамя таго, стала зразумела, што мірныя маршы не прыводзяць да сур'ёзных зменаў. Засяроджванне ўвагі на мірных акцыях прывяло да таго, што пратэстны рух згубіў час, магчымасці, рэсурсы і энергію пратэстаў. Ужо не будзе магчымасці заклікаць людзей зноў выйсці. На маю думку, можна канстатаваць паразу ў палітычным супрацьстаянні з уладамі.
У далучаным гукавым файле слухайце ацэнку Аляксандра Вальфовіча, новага кіраўніка Рады бяспекі.
слухайце аўдыё
ав