Увосень 2020 года ўсе казалі пра поспех Еўрапейскай камісіі: сумесная стратэгія вакцынацыі, кантракты на пастаўкі сотняў мільёнаў доз. Настаў 2021, і адусюль чуваць пра катастрофу. Чаму, запыталася выданне.
Старшыня Еўракамісіі зазначыла, што ў палітыцы заўсёды ёсць узлёты і падзенні, асабліва ў крызісныя часы. Ацэньваць трэба канчатковы вынік. На пачатку пандэміі ў Еўракамісіі не было кампетэнцыі ў галіне аховы здароўя, спатрэбіўся час, каб пераканаць дзяржавы-члены ЕЗ у тым, што павінен быць агульны еўрапейскі падыход.
Варта пачакаць з ацэнкай 2021 года, цытуе словы эўрачыноўніцы польскае выданне.
Еўразвяз толькі пачалі маштабную кампанію вакцынацыі. Раней такога яшчэ не было. Распрацаваць вакцыну атрымалася ўсяго за 10 месяцаў. Звычайна гэта займае ад 5 да 10 гадоў.
Летам 2020 года Еўразвяз падпісаў першы кантракт з AstraZeneca. Азіраючыся назад, заявіла старшыня Еўракамісіі, мы зрабілі правільны выбар. Усе паспяховыя кампаніі падпісалі з намі кантракты на пастаўку лекаў.
Аднак масавая вакцынацыя за такі кароткі час яшчэ не праводзіліся. Прышчэпкі Еўразвяз пачаў пры канцы снежня. Было пастаўлена 18 мільёнаў доз. У лютым у нас будзе яшчэ 33 мільёны, а ў сакавіку - яшчэ 45 мільёнаў. Вакцынацыя паскорыцца яшчэ больш у другім квартале.
юл