Тэмы, якія аглядальнік закранае ў праграме «Паміж радкоў»:
- Вынікі сацапытаньняў у СМІ Лукашэнкі напярэдадні сходу: 67% яго падтрымліваюць.
Напярэдадні сходу паказалі фільм КДБ пра Аўтуховіча, як быццам бы ён рыхтаваў тэракты па ўсёй РБ.
- Усім дэлегатам Усенароднага сходу зрабілі тэсты на каранавірус, хворых на сход не пусцілі. Падчас свайго выступу Лукашэнка пачаў керхаць і не мог супакоіцца некалькі хвілінаў, ды пачаў казаць, што гэта да яго прычапілася хвароба.
- Успомніў Лукашэнка і пра Святлану Ціханоўскую. Казаў: «Калі б яна прыйшла да ўлады, то новых выбараў бы не было, а краінай кіраваў бы «мардаварот, якога ўзялі ў Гродне, а Святлана б смажыла катлеты».
- Лукашэнка назваў умовы свайго сыходу з улады:
– У краіне павінен быць мір і парадак, ніякіх пратэстных дзеянняў;
– Калі да ўлады прыдуць «не тыя», то поўная недатыкальнасць прыхільнікаў Лукашэнкі. «Ніводны волас не павінен упасці».
- Сваю асноўную прамову Аляксандр Лукашэнка нечакана пачаў не з пераліку дасягненняў свайго 26-гадовага кіравання, а з азнаямлення прысутных з праграмай тых, хто хацеў ажыццявіць «мяцеж». Такой праграмы насамрэч у Святланы Ціханоўскай не было, яе прыдумала дзяржаўная прапаганда (узяла праграму адной з апазіцыйных палітычных партый канца 1990-х), і вось цяпер з яе аналізу пачаўся «народны сход».
- «Прыйдзе час, і выберыце новага Лукашэнку ці кагосьці там яшчэ»
Лукашэнка эмацыйна ўспомніў зрынутага Муамара Кадафі, «якога распялі і пасадзілі на кол» за тое, што ён хацеў ашчаслівіць сваю Лівію і ўсю Паўночную Афрыку, ствараючы там аазіс жыцця, але сусветным лідарам гэта было не трэба. Згадаў ён і кіраўніка Іраку Садама Хусейна. «А вы не памятаеце, як яго павесілі?»