Эксперт перакананы, што зыходу Лукашэнкі не будзе, ён рыхтуецца застацца пры ўладзе, дзеля гэтага яму патрэбныя рэпрэсіі.
Лукашэнка заяўляе, што сітуацыя ў краіне пад кантролем, але рэпрэсіі не сціхаюць. Заведзена больша за 2400 крымінальных спраў на ўдзельнікаў мірных пратэстаў. У сваю чаргу ў адказ на 1800 скарг людзей на катаванні з боку сілавікоў – рэакцыя ўладаў нулявая.
Лукашэнка заяўляе, што ў краіне «ніякага трансферу ўлады быць не можа», пасля чаго інфармуе, што ў студзені-лютым наступнага году будзе прынятая Канстытуцыя, і адбудуцца парламенцкія ды прэзідэнцкія выбары. Гэтыя словы гучаць падчас нарады 2 сакавіка, у якой удзельнічалі прэм’ер Раман Галоўчанка, міністр абароны Віктар Хрэнін, дзяржсакратар Рады бяспекі Аляксандр Вальфовіч і начальнік дэпартаменту міжнароднага супрацоўніцтва Алег Воінаў. Лукашэнка яшчэ паабяцаў ім, што яны змогуць балатавацца.
Што адбываецца ў беларускім палітычным полі, мы папрасілі пракаментаваць палітолага Андрэя Ляховіча.
Размаўляў Юры Ліхтаровіч
Слухайце аўдыёфайл