ЕЗ гатовы бязвыплатна перадаць РБ сучасныя вакцыны. Аляксандр Лукашэнка маўчыць, ягоныя паслугачы маўчаць. Раней ён казаў, што гэтыя вакцыны патрэбны апазіцыянерам, каб укалоцца і збегчы на Захад. Там атрымаць грошы і інструкцыі.
За вакцыны з РФ і Кітаю Беларусь плоціць грошы.
Лукашэнка ўрэшце сфармуляваў мэту, да якой мусіць рушыць беларускі народ. Саюз РБ і РФ.
У час размовы з Лукашэнкам журналістка з Турцыі пацікавілася перспектывамі развіцця Саюзнай дзяржавы Беларусі і Расіі, і спытала, ці будзе ў выніку гэта аб'яднанне падобна да Еўрасаюза.
«Гэты саюз будзе больш прагрэсіўным і больш стабільным, – адказаў кіраўнік дзяржавы. – Па-першае, таму, што мы ўлічым усе памылкі Еўрапейскага Саюза, каб іх не паўтараць».
Аляксандр Лукашэнка падкрэсліў, што працэс інтэграцыі дзвюх дзяржаў будзе паступальным і не прывязаным да якіх-небудзь тэрмінаў, часавых параметраў: «Мы не ставім перад сабой ніякіх тэрмінаў – 2025, 2030 або нейкі там год. Мы будзем ісці крок за крокам, вырашаючы праблемы».
На тыдні Лукашэнка ўдакладніў абрысы ворагаў ад ЗША да ЕЗ. МЯРЗОТНІКІ, а палякі асабліва, хочуць уключыць РБ у свой склад заявіў дыктатар: Я не хачу, каб нашы дзеці былі парабкамі. Мы прайшлі той шлях, калі з-пад бізуна не выходзілі, калі бегалі ў лапцях і працавалі на ўсіх, – падкрэсліў ён. – Я не хачу, каб тут была Рэч Паспалітая, як нашы суседзі гавораць, ад «можа да можа». Яны хочуць усю Беларусь у склад Польшчы. Не будзе гэтага. Гэта наша краіна«
Працягваў Лукашэнка мяняць кадры: Ярмошыну на Карпенку. І кадры сілавікоў.
У Магілёве пры прызначэнні кіраўніка абласнога выканкама першымі на паседжанні выступілі старшыня абласнога КДБ і міліцыі. »Вы ў некаторай ступені самазаспакоіліся. Так, у нас, нібыта, у Магілёўскай вобласці не вельмі шумелі, крычалі (...) Мы проста не можам дапусціць паўтарэння мінулагодніх падзей. Каб нам не давялося зноў па вуліцы з аўтаматамі бегаць«.
Пагрозы ворагам: суд зняволіў С.Ціханоўскага на 18 гадоў, яго паплечнікаў таксама, і М.Статкевіча да 14 год.
Лукашэнка ў чацвер16 снежня правёў нараду па санкцыях і на ёй прагучала нечаканае сенсацыйные прызнаньне, што ў кіраўніцтве шмат ворагаў:
»Разбярыцеся асабліва з кіраўнікамі: занадта шмат у нас кіраўнікоў, якія займаюць антыдзяржаўную пазіцыю. І што мяне здзіўляе (гэта больш за ўсё ў Мінску): кіраўнікі ўстаноў аховы здароўя. Ужо занадта шмат «разумных» там зʼявілася, якія гатовы за Прэмʼер-міністра працаваць, за Кіраўніка Адміністрацыі, кіраўнікоў парламента «, – адзначыў Лукашэнка.
Ён звярнуў увагу: ніхто нікому не забараняе мець свой пункт гледжання. »Кожны павінен мець свой пункт гледжання, вы яго і маеце. Я гэта ўспрымаю як дадзенасць. Але, дарагія мае, усе мы, якія сядзяць тут за гэтым сталом, і кіраўнікі, аб якіх я сказаў, абмежаваныя пэўнымі рамкамі – рамкамі кіраўніка. Калі ты хочаш быць абсалютна незалежным і заклікаць да санкцый, ваяваць супраць улады і іншае – вунь яны ў Літве, Польшчы сядзяць, там яшчэ ёсць вакансіі. Адтуль усё больш і больш хочуць назад вярнуцца. Што мы там вас не дастанем, і шэсць ці восем гадоў па новым законе вы не атрымаеце«, – сказаў узурпатар.
Лукашэнка памяняў Ярмошыну на Карпенку на чале ЦВК. Чаму? Выбары 2020 году прынеслі і наступныя вынікі:
Каля 200 участковых камісіяў у выніковых пратаколах зафіксавалі, што Святлана Ціханоўская набрала больш за 50%, а яшчэ каля 100 – што яна не дасягнула 50%, але набрала больш, чым Лукашэнка.
Калі прыкладна такі ж вынік атрымаецца на рэферэндуме па »новай« Канстытуцыі, тады гэта будзе катастрофа для Лукашэнкі. Вось таму ён і памяняў Ярмошыну на Карпенку.
Уладзімір Падгол