У Расіі вельмі моцна скарачаецца колькасць разведвальных беспілотнікаў

Без іх расійская армія будзе, як сляпая.

Расійскі вайсковец з зенітнай зброяй у невядомым месцы ў Херсонскай вобласці Украіны

PAP/EPA/RUSSIAN DEFENCE MINISTRY PRESS SERVICE HANDOUT

Падчас украінскага контрнаступлення пад Херсонам і Харкавам у Расіі вельмі моцна скарачаецца колькасць разведвальных беспілотнікаў. Без іх расійская армія будзе, як сляпая. Кітай адмовіўся дапамагчы, але ў тэме паявіўся Іран, піша Gazeta Wyborcza.

Няма дня, каб украінцы не збівалі расійскага беспілотніка Арлан-10, а здараецца, што ў дзень украінцы знішчаюць 2-3 такія дроны. Арлан-10 – гэта самы папулярны расійскі разведвальны беспілотнік. Ён нагадвае маленькі самалёт з трохметровымі крыламі і аднацыліндарным рухавіком. Украінцы знайшлі ў сярэдзіне фотаапарат Canon, ролю паліўнага бака выконвала звычайная пластыкавая бутэлька.

Прымітыўная канструкцыя не азначае, што арланы неэфектыўныя ў пошуку ўкраінскіх пазіцый і навядзенні на іх артылерыі. Але гэта вялікія і лёгкія цэлі, таму расіяне страчваюць іх у вельмі хуткім тэмпе.

Дзякуючы сваёй простай канструкцыі арланы і іншыя разведвальныя дроны лёгка выпускаць. Але расійская збройная прамысловасць па прычыне заходніх санкцый цалкам адрэзана ад запчастак. Расія не ў стане выпускаць новыя крылатыя ракеты і дроны Арлан-10.

ав