Беларуская Служба

Амбасадар ЗША ў Польшчы: Мы будзем абараняць кожны сантыметр тэрыторыі НАТА

19.12.2022 09:42
«Я таксама кажу ад імя прэзідэнта Джо Байдэна, што мы будзем абараняць кожны сантыметр тэрыторыі НАТА», – запэўніў амбасадар ЗША ў Польшчы.
Zdaniem Roberta Pszczela strategicznym celem NATO jest zwycięstwo Ukrainy
Zdaniem Roberta Pszczela strategicznym celem NATO jest zwycięstwo Ukrainy Alexandros Michailidis/ Shutterstock

«Калі я паўтараю, што Польшча ў бяспецы, я не кажу толькі за сябе. Я таксама кажу ад імя прэзідэнта Джо Байдэна, што мы будзем абараняць кожны сантыметр тэрыторыі НАТА», – запэўніў амбасадар ЗША ў Польшчы Марк Бжэзіньскі ў інтэрв'ю для часопісу Do Rzeczy.

У інтэрвʼю штотыднёвіку амбасадар нагадаў, што ў 1990-я гады ён жыў у Польшчы два гады, будучы стыпендыятам Праграмы імя Фулбрайта, і бачыць розніцу паміж тымі і сённяшнімі часамі, калі Польшча зʼяўляецца сябрам Паўночнаатлантычнага альянсу.

«Тысячы амерыканскіх салдат дыслакаваныя ў Польшчы. Прэзідэнт Байдэн падчас саміту ў Мадрыдзе заявіў, што штаб V корпуса арміі ЗША ў Познані будзе знаходзіцца пастаянна. Палякі могуць адчуваць сябе ў большай бяспецы», – сказаў дыпламат.

На мінулым месяцы Марк Бжэзіньскі прыняў удзел ва ўрачыстай цырымоніі пачатку абслугоўвання і мадэрнізацыі амерыканскіх знішчальнікаў F-16 ў Быдгашчы. Тады амерыканскі дыпламат таксама падкрэсліў гатовасць ЗША абараняць сваіх хаўруснікаў ва Усходняй Еўропе.

эж


У Эстонію прыбыла пяхотная рота войска ЗША

17.12.2022 14:42
Акрамя салдат ЗША перакінулі ў Эстонію ракетныя сістэмы HIMARS, а таксама сістэмы камандавання і кіравання.