А нават больш – дасць мікрапрацэсары, оптыку і падшыпнікі, – піша ў Rzeczpospolita Руслан Шошын.
Лукашэнка не дапаможа Пуціну наступіць на Украіну з поўдня, ані не дапаможа перакрыць пастаўнікі зброі з Захаду, бо беларускі дыктатар трымае тысячы найлепш падрыхтаваных і найбольш лаяльных спецадзінак на ўласныя патрэбы, асабліва, на выпадак выбуху новых грамадскіх пратэстаў.
Аднак у Лукашэнкі ёсць фабрыка мікрапрацэсараў у Мінску «Інтэграл». Чыпы, якія там вырабляюцца не настолькі якасныя як амерыканскія і не падыходзяць да смартфонаў і ноўтбукаў, але, як кажуць, падыходзяць да расійскіх ракет.
У Расіі ўсё больш не хапае падшыпнікаў для грузавікоў і танкаў. Расія сама забяспечвала толькі 30% патрэб, астатняе брала ў Швецыі, Нямеччыны і ЗША.
Лукашэнка чакае шчодрага дафінансавання сваіх заводаў, якія засталіся з савецкага часу і могуць дапамагчы Расіі сваёй прадукцыяй.
Хутка Мінск павінен атрымаць 1,5 млрд долараў на праекты звязаныя з заменай імпартнай прадукцыі. А яшчэ Масква адтэрмінавала Мінску выплату 1,4 млрд долараў даўгоў да 2028 году.
яс