У новай рэдакцыі правіл дарожнага руху пешаходам забароняць карыстацца гаджэтамі, перасякаючы дарогу, піша "Наша Ніва".
Апроч гэтага ў правілы дарожнага руху ўносяцца змены звязаныя за зʼяўленнем на дарогах транспарту, які цяжка аднесці да існуючай катэгорыі ў рамках дзеючага заканадаўства.
Так упершыню ў Беларусі ўводзіцца новы тэрмін «сродкі персанальнай мабільнасці». Гэта прылады, якія маюць рухавік, то бок электрасамакаты, гіраскутары ды монаколы. Пры гэтым іх максімальна дапушчальная хуткасць будзе складаць 25 км/г.
Асобы, якія выкарыстоўваюць такія сродкі для перамяшчэння, будуць прыраўноўвацца да пешаходаў, зазначаюць у ДАІ.
юл