X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Падрыхтоўчы цэнтр БДУ адкрыў у Кітаі Кабінет беларускай мовы і культуры

03.12.2019 14:14
Адзін з важных напрамкаў дзейнасці цэнтра — дапамога ў сацыякультурнай адаптацыі замежных грамадзян у перыяд іх навучання ў Беларусі.
Адкрыццё Кабінета беларускай мовы і культуры імя Янкі Купалыфота: уласныя матэрыялы БДУ

Па інфармацыі сайта газеты Звязда, Кабінет беларускай мовы і культуры імя Янкі Купалы адкрылі ў Кітаі. Ён стане культурна-адукацыйным цэнтрам па папулярызацыі беларускай гісторыі, літаратуры, нацыянальных традыцый і славутасцяў сярод кітайскіх грамадзян.

Функцыянаваць кабінет будзе ў г. Санья на базе Падрыхтоўчага цэнтра БДУ, які праз адукацыйную дзейнасць актыўна садзейнічае распаўсюджванню інфармацыі пра Беларусь у Кітаі. Адзін з важных напрамкаў дзейнасці цэнтра — дапамога ў сацыякультурнай адаптацыі замежных грамадзян у перыяд іх навучання ў Беларусі.

Адкрыццё кабінета дазволіць слухачам лепш даведацца пра самабытнасць, жыццёвы ўклад і нацыянальны каларыт беларусаў, папрацаваць з арыгінальнымі матэрыяламі па лінгвістыцы, гісторыі, мастацтве і краіназнаўстве Беларусі. Плануецца, што тут будуць арганізоўвацца адукацыйна-культурныя мерапрыемствы профільнай тэматыкі.

Дарэчы, навучальныя кабінеты маюць назвы станцый мінскага метрапалітэна, сцены ўпрыгожаны фатаграфіямі, калажамі і карцінамі беларускіх асветнікаў, знакамітых турыстычных месцаў і рэгіёнаў. Кітайскім слухачам прадастаўлены фонд фільмаў, прэзентацый, твораў беларускіх пісьменнікаў, перыёдыкі айчынных СМІ, спіс якіх рэгулярна будзе папаўняцца. Урачыстая цырымонія адкрыцця імянной аўдыторыі прайшла пры ўдзеле дэлегацыі БДУ  на чале з яго рэктарам  Андрэем Каралём.

Нагадаем, што Падрыхтоўчы цэнтр БДУ ў горадзе Санья быў створаны ў 2018 годзе з мэтай моўнай падрыхтоўкі кітайскіх абітурыентаў, якія плануюць паступленне ў БДУ. Сёння тут навучаюцца каля 140 слухачоў. Адбор адбываецца на конкурснай аснове . У рамках афіцыйнага візіту ў КНР Андрэй Кароль правёў перамовы з кіраўніцтвам цэнтра аб пашырэнні супрацоўніцтва ў галіне сумеснай падрыхтоўкі спецыялістаў. Плануецца, што ў бліжэйшы час БДУ распрацуе праграмы павышэння кваліфікацыі для работнікаў сістэмы адукацыі, якія пройдуць навучанне на базе цэнтра. Акрамя таго, дасягнутыя дамоўленасці аб павелічэнні колькасці кітайскіх слухачоў да 500 чалавек для падрыхтоўкі іх да паступлення ў БДУ.

нг