Латвійскія прадпрыемствы гатовыя прадаставіць Беларусі паслугі па перагрузцы, захоўванні і транспарціроўцы нафты. Пра гэта паведаміла ў пятніцу агенцтву ТАСС прадстаўнік аддзела камунікацый Міністэрства зносін (транспарту) Латвіі Івета Канцэна, піша «Наша Ніва».
«Як толькі такая неабходнасць з'явіцца, латвійскія прадпрыемствы гатовы прадаставіць неабходныя паслугі па перагрузцы, захоўванні і транспарціроўцы як у партах, так і на чыгунцы», – сказала яна, дадаўшы, што «пытанні дадзенага супрацоўніцтва раней абмяркоўваліся з беларускім бокам».
Як паведамлялася, Расія з 1 студзеня спыніла падачу нафты для нафтаперапрацоўчых заводаў Беларусі. Крыніца, блізкая да беларускіх НПЗ, паведаміла, што на заводах былі створаны вялікія запасы сыравіны – парадку 0,5 млн тон нафты.
«Гэтага абʼёму можа хапіць прыкладна на 20 дзён працы», – сказаў саразмоўца.
вс