Асноўныя мерапрыемствы фестывалю пройдуць з 16 па 20 ліпеня. Для пашырэння глядацкай аўдыторыі прадугледжаны бязвізавы парадак уезду ў Беларусь для ўдзельнікаў і гасцей з 73 дзяржаў. «Пропускам для бязвізавага перасячэння граніцы для замежных грамадзянаў будзе білет на мерапрыемствы фестывалю ў Летнім амфітэатры або канцэртнай зале »Віцебск«, – паведамляе БелТА.
З улікам сталай практыкі дзяржаўнай падтрымкі фестывалю распараджэннем таксама прадугледжаны асобныя прэферэнцыі для яго арганізатараў і ўдзельнікаў.
Першы этап продажу білетаў на »Славянскі базар« стартаваў 21 лютага, другі – 21 сакавіка. Урачыстая цырымонія адкрыцця форуму адбудзецца ў Летнім амфітэатры 16 ліпеня, закрыцця – 20 ліпеня.
Папярэдні бюджэт фестывалю складае 6 мільёнаў 340 тысяч беларускіх рублёў. Чакаецца, што каля 4 мільёнаў пакрыецца за кошт продажу білетаў, яшчэ частка сумы – дзякуючы рэкламадаўцам і спонсарам. Арганізатары разлічваюць, што акупляльнасць складзе 88-90%.
юл