Сёння ў Беларусі адзначаюць традыцыйнае свята памінання памерлых – Радаўніцу. Гэты абрад, які існуе яшчэ з дахрысціянскіх часоў, застаецца адным з самых практыкаваных сярод беларусаў, нагадвае тэлеканал "Белсат".
Вернікі адзначаюць Радаўніцу на дзявяты дзень пасля Вялікадня. Людзі моляцца за сваіх памерлых блізкіх, ускладаюць кветкі на іхныя магілы. Праваслаўная і грэка-каталіцкая цэрквы праводзяць на Радаўніцу адмысловыя памінальныя набажэнствы.
Хаця свята мае дахрысціянскае паходжанне, праваслаўная царква і беларуская грэка-каталіцкая царква ўключылі традыцыю «Вялікадня памерлых» у свой культ. Аднак царква не ўхваляе звычай пакідаць для памерлых ежу, бо лічыцца, што для супакаення духу мёртвых патрэбная толькі малітва.
Беларусь – адзіная краіна, дзе Радаўніцу зрабілі дзяржаўным выходным днём.
эж