Польскі консул з Гродна Анджэй Рачкоўскі звярнуў увагу на значнасць літаратурнай спадчыны пісьменніцы.
«Творчасць Элізы Ажэшкі, яе кнігі належаць да канону польскай літаратуры. Кожны малады паляк ведае яе творы. Цяпер, калі я гуляю па ўзбярэжжы Нёману, я ўзгадваю яе выдатныя апісанні прыроды і ракі», – сказаў консул Рачкоўскі.
Анжэліка Борыс, старшыня Саюза палякаў Беларусі, адзначыла, што цяпер таксама адзначаеца 100-годдзе з дня нараджэння Рымскага папы Яна Паўла ІІ. «Эліза Ажэшка і Святы Айцец – важныя постаці для кожнага паляка. Гэта асобы, прыкладам якіх натхняюцца тысячы палякаў», – сказала Анжэліка Борыс.
ПР/юл