Пасол Польшчы ў Беларусі Артур Міхальскі паведаміў Польскаму радыё, што сёлета плануецца наведаць усе могілкі, дзе спачываюць жаўнеры, якія ўдзельнічалі ў польска-бальшавіцкай вайне, і што іх вельмі многа.
Сённяшнія ўрачыстасці былі сімвалічнымі. Яны былі сціплымі з-за эпідэміі каранавіруса.
«Урачыстыя мерапрыемствы прайшлі ў Докшыцах і Глыбокім пры ўдзеле мясцовых уладаў, віцебскага біскупа, мясцовага духавенства і, перш за ўсё, прадстаўнікоў мясцовага насельніцтва», – сказаў пасол Артур Міхальскі.
Біскуп Алег Буткевіч з Віцебскай дыяцэзіі адзначыў, што гэта яшчэ адна малітва за тых, хто загінуў у абароне сваёй Радзімы. «Для нас гэта таксама знак веры і мужнасці. Людзі зрабілі гэта дзеля Бога і Радзімы», – сказаў біскуп Алег Буткевіч.
У гэтым годзе спаўняецца 100 гадоў з моманту заканчэння польска-бальшавіцкай вайны.
яс