Эпідэмія каранавіруса прымусіла змяніць арганізацыю каталіцкіх паломніцтваў у Нацыянальны санктуарый Маці Божай у Будславе. Агульнанацыянальныя мерапрыемствы, запланаваныя ў санктуарыі на першыя дні ліпеня, былі адтэрмінаваныя.
Традыцыйна на пачатку ліпеня з тэрыторыі ўсяе Беларусі ў Будслаў адпраўляліся каля 20 пілігрымак. Сёлета з-за эпідэміі толькі нешматлікія паломнікі накіраваліся ў Будслаў прыватна.
Прэс-сакратар Канферэнцыі каталіцкіх біскупаў Беларусі ксёндз Юры Санько, сказаў Польскаму радыё, што нягледзячы на перанос нацыянальных мерапрыемстваў, у Будславе пройдзе парафіяльнае свята.
- Так прыватна, калі нехта хоча, можа паехаць. 2 ліпеня ў Будславе пройдуць парафіяльныя ўрачыстасці. Будуць біскупы і набажэнствы. Індывідуальна ў цырымоніях можа ўдзельнічаць кожны, хто захоча.
У Будслаў прыбыло ўжо веласіпедне паломніцтва з Мінска. У дарозе знаходзіцца таксама паломніцтва на матацыклах з Пінска. Тры святары і адзін манах адправіліся пешшу з Баранавіч.
Гісторыя санктуарыя ў Будславе пачалася ў 1613 годзе, калі мінскі ваявода Ян Пац перадаў у святыню цудатворны вобраз Маці Божай, які ён атрымаў ад Папы Клімента VIII.
Уладзімер Пац/аз