Пра знікненне Дзмітрыя Кудзелевіча паведамляе «Свабода» са спасылка на афіцыйны тэлеграм-канал страйкаму «Беларуськалія».
Паводле апублікаванай там інфармацыі, Кудзелевіч перастаў выходзіць на сувязь у 11.17 у чацвер 20 жніўня.
Паводле інфармацыі іншых удзельнікаў страйкама, Кудзелевіч мог быць затрыманы невядомымі асобамі, калі знаходзіўся ва ўласным аўтамабілі.
Пра пачатак страйку і стварэнне страйкамаў на «Беларуськаліі» стала вядома ў панядзелак 17 жніўня. За першыя два дні паводле агульнага страйкаму прадпрыемства да забастоўкі далучылася каля 4 тысяч супрацоўнікаў «Беларуськалія» (агулам на прадпрыемстве працуе каля 20 тысяч чалавек).
Сходы страйкуючых праходзяць на галоўнай плошчы Салігорску чацвёрты дзень запар. Сябры страйкамаў гавораць пра ціск на забастоўшчыкаў з боку кіраўніцтва.
Раніцай 20 жніўня «Беларуськалій» аднавіў працу амаль у поўным аб’ёме.
эж