Марыя Калеснікава і штаб Віктара Бабарыкі абвясцілі пра стварэнне палітычнай партыі "Разам". Адпаведны відэазварот з'явіўся на YouTube. На пачатку роліка паказалі зварот Віктара Бабарыкі, які ўжо два з паловай месяцы знаходзіцца за кратамі.
У відэазвароце, зробленым яшчэ да затрымання, палітык кажа пра стварэнне палітычнага аб'яднання. Пасля гэтага кіраўніца яго выбарчага штаба Марыя Калеснікава заяўляе пра стварэнне палітычнай партыі "Разам".
-Краіна знаходзіцца ў палітычным і сацыяльна-эканамічным крызісе. І мы разам ведаем, як выйсці з гэтага крызіса. Сотні тысячаў беларусаў –таленавітых прафесіяналалаў гатовыя браць на сябе адказнасць і разам будаваць новую Беларусь.
Па словах Калеснікавай, дакументы на рэгістрацыю палітычнай партыі неўзабаве будуць пададзеныя ў адпаведныя органы.
эж