Выкладчыкі Філалагічнага факультэту БДУ выступілі ў абарону свабоды выказванняў. У запісаным відэа яны адзначылі, што не хаваюць сваіх твараў, хаця атмасфера хлусні і страху прымушае людзей маўчаць. Але выкладчыкі, якія вучаць сваіх студэнтаў, што свабода – гэта самая вялікая каштоўнасць, не могуць маўчаць. Гаворыць Вера Жыбуль з Кафедры расійскай філалогіі.
- Людзям важна камунікаваць і важна рабіць гэта шчыра і адкрыта. Чуць і разумець. Быць зразуметымі і быць пачутымі. Мая падтрымка студэнтам, якія маюць сваё меркаванне, выказваюць і адстойваюць яго. Гэта іх чалавечае права. Мая глыбокая пашана выкладчыкам, якія ўсталі на абарону свабоды слова і бяспекі студэнтаў.
Усё проста. Страх – кепска. Гвалт – кепска. Хлусня – кепска. Ну, нельга рабіць выгляд, быццам нічога не адбываецца. Мы маем права мець свае перакананні і выказваць іх, мы маем права падтрымліваць адзін аднаго. Студэнты, мы з вамі. Філфак БДУ – гэта мы. Свабода, праўда, салідарнасць, – гаворыцца ў звароце.
нг