Пусты праспект і заблакаваныя вуліцы, закрыты выхад з метро «Плошча Леніна», сотні амапаўцаў у чорным — так выглядаў цэнтр Мінска ў панядзелак. Прычына ўсяго гэтага — штотыднёвы Марш пенсіянераў.
Удзельнікаў "Маршу мудрасці" на скрыжаванні праспекта Незалежнасці і вуліцы Янкі Купалы сустрэў кардон амапаўцаў, каб не даць ім прайсці далей. Туды ж падагналі некалькі мікрааўтобусаў і аўтазак.
У маршы ўжо ўдзельнічаюць некалькі тысяч чалавек.
Удзельнікі шэсця абышлі ачапленне па вуліцы Янкі Купалы і паспрабавалі вярнуцца на праспект. Некаторыя пайшлі па перакрытай праезнай частцы. Паміж амапаўцамі і пенсіянерамі пачалася штурханіна.
Частцы шэсця ўдалося прарвацца праз ачапленне, але насупраць цырка на іх кінулі яшчэ амапаўцаў.
nashaniva/euroradio/эж