У Еўразвязе раскрылі буйную кантрабандную схему па нелегальным гандлі беларускімі цыгарэтамі. Былі перадухілена падатковыя страты ў 30 мільёнаў еўра, перадае «Еўарардыё».
Еўрапейская паліцэйская арганізацыя (Еўрапол) правяла аперацыю, у выніку якой паліцэйскія 15 краін ЕЗ і Вялікабрытаніі затрымалі 17 падазраваных, адабралі 67 мільёнаў цыгарэт і 2,6 тоны тытуню коштам больш за 35 мільёнаў еўра.
88% канфіскаваных цыгарэт зроблены ў Беларусі.
Найбольшая колькасць кантрабанды была канфіскаваная ў Літве – 28,75 мільёна цыгарэт. У астатніх краінах канфіскавалі нашмат менш: у Вялікабрытаніі – 9 мільёнаў, у Польшчы – 6 мільёнаў, у Ірландыі – 3,5 мільёна, у Румыніі – 2,2 мільёна.
Цыгарэты траплялі на чорны рынак Еўразвязу ў абыход працэдур мытнага кантролю, без акцыз і выплаты падаткаў. У выніку ЕЗ губляў мільёны еўра праз нелегальны гандаль кантрабанднымі цыгарэтамі.
эж