Галоўны рэдактар Аляксей Шота праходзіць па адміністрацыйнай справе аб распаўсюдзе прадукцыі, якая заклікае да экстрэмісцкай дзейнасці.
На сайце знайшлі згадкі пра забаронены ў Беларусі тэлеграм-канал. У лістападзе 2020 года гэтыя матэрыялы судом Цэнтральнага раёна Мінску былі прызнаныя экстрэмісцкімі.
Нагадаю, што напрыканцы студзеня ў рэдакцыі прайшоў ператрус, канфіскавалі кампутары, фотаапараты і іншую тэхніку.
Шота кажа, што дагэтуль не ведае, хто ў судзе будзе адказчыкам – ён, як фізічная асоба, ці - як юрыдычная, бо ад гэтага шмат залежыць.
“На юрасобу максімальны штраф – 14 тысяч 500 рублёў. Гэта вельмі вялікі штраф. А на фізасобу здаецца каля 1450 рубёў. Карацей у 10 разоў менш”.
Дата суду пакуль невядомая.
Алесь ЗАВІНОЎСКІ