Канцлер Нямеччыны Ангела Меркель у сваім відэазвароце да ўдзельнікаў веснавой сесіі Парламенцкай асамблеі Рады Еўропы згадала Беларусь. Яна гаварыла пра сітуацыю і ў іншых дзяржавах, але Беларусь паставіла на першае месца, перадае "Еўрарадыё".
"Калі паглядзець на знешнія межы Еўропы, то нам стане відавочна, што і сёння мір і бяспека, стабільнасць і росквіт не з'яўляюцца чымсьці натуральным..., — цытуе словы Меркель ТАСС. — Сітуацыя ў Беларусі, на ўсходзе Украіны і ў Крыме, у Прыднястроўі, Паўднёвай Асеціі, Абхазіі, Нагорным Карабаху і, вядома, у Сірыі і Лівіі больш чым трывожная".
Як вядома, ЕЗ заклапочаны сітуацыяй у Беларусі, якая склалася пасля прэзідэнцкіх выбараў 2020 года. З-за фальсіфікацыі іх вынікаў, парушэння правоў чалавека і гвалту сілавікоў былі ўведзены тры пакеты санкцый, рыхтуецца чацвёрты пакет.
эж