З кастрычніка ў Польшчы пачне дзейнічаць сістэма залогу за бутэлькі і бляшанкі, то бок да цаны напою, на ўпакоўцы якога змешчаны спецыяльны лагатып, будзе далічаная дадатковая аплата. Кліенты атрымаюць яе назад, калі вернуць пустую ўпакоўку ў краму.
Намесніца міністра клімату і навакольнага асяроддзя Аніта Савіньска (Anita Sowińska) заявіла, што новы механізм будзе ўводзіцца паступова:
- Гэтая сістэма будзе ажыццяўляцца паступова. Па просьбе вытворцаў, мы ўвялі пераходны перыяд, каб яны маглі вывесці з рынку раней выпушчаныя тавары. Яны маюць на гэта тры месяцы, то бок да канца года.
Як адзначыла Аніта Савіньска, сістэма залогу будзе ахопліваць тры тыпы ўпакоўкі:
- Па-першае, гэта пластыкавыя бутэлькі, ёмістасцю да трох літраў. Бляшанкі да аднаго літра, а таксама шматразовыя шкляныя бутэлькі да 1,5 літра. Залог будзе складаць: 50 грошаў за пластыкавыя бутэлькі і бляшанкі, а таксама 1 злоты за шкляную шматразовую ўпакоўку.
Абавязак прымаць пустыя бутэлькі і бляшанкі распаўсюджваецца на крамы, плошчай больш за 200 квадратных метраў, а таксама на тыя, якія прадаюць напоі ва ўпакоўках са спецыяльным лагатыпам. Мэта сістэмы вяртання тары – павялічыць колькасць пераапрацаванай упакоўкі ў краіне.
IAR/аз