Instagram выдаліў акаўнт Народнага антыкрызіснага ўпраўлення, якое ўзначальвае Павел Латушка. Апазіцыянеры не выключаюць, што «спрацавала адна з атак праўладных ботаў».
У НАУ заяўляюць, што спрабуюць аднавіць акаўнт і просяць дапамогі – усе жадаючыя могуць напісаць ліст у службу падтрымкі сацсеткі. Прапануецца тэкст і парадак дзеянняў, паведамляе «Еўрарадыё».
Народнае антыкрызіснае ўпраўленне дзейнічае ў замежжы з восені 2020 года. Яго мэты – «забеспячэнне мірнага завяршэнне выканання функцый нелегітымнымі органамі ўлады», а таксама «стабілізацыя сістэмы кіравання краінай пасля пераходу ўлады да народа».
вс