МУС Літвы заявіў, што ў іх ёсць доказы, што ў арганізацыю патокаў эмігрантаў на літоўска-беларускай мяжы ўцягнутыя беларускія ўлады і памежнікі: «Гэта арганізаваная дзейнасць, пэўная схема —добра арганізаваная, спланаваная. Гэта вялікія грошы, бо перавозка аднаго чалавека каштуе каля 15 тысяч долараў», — распавяла міністр унутраных спраў Літвы Агне Білатайтэ.
Раней прадстаўнік Службы аховы дзяржаўнай мяжы Гедрус Мішуціс пацвердзіў, што беларускія памежнікі неахвотна ідуць на кантакт з літоўскімі калегамі: «Пасля кожнага затрымання мігрантаў, без чаго не абыходзіцца і дня, мы інфармуем беларускіх калег і прапаноўваем правесці сумеснае расследаванне, але рэакцыю ў адказ можна ахарактарызаваць як млявую».
Глава Кабінета прадстаўнікоў Святланы Ціханоўскай Валерый Кавалеўскі назваў рост нелегальных мігрантаў на мяжы Беларусі з Літвой помстай з боку Лукашэнкі.
Усяго ў 2021 годзе ў Літву спрабавалі трапіць 555 нелегальных мігрантаў з Беларусі. Гэта ў сем разоў больш, чым у 2020 годзе.
З беларускага боку начальнік Смаргонскай памежнай групы Максім Бутранец заявіў у эфіры «Беларусь 1», што колькасць нелегальных мігрантаў на беларуска-літоўскім напрамку знаходзіцца на звычайным узроўні.
юл