Ананімныя хакеры паведамілі пра паспяховы ўзлом базы звестак МУС «Непарадкі», якая выкарыстоўвалася для захоўвання дадзеных пра блізу 40 тысяч беларусаў. Гэта спіс грамадзян незаконна асуджаных па артыкуле 23.34 КаАП (з 1 сакавіка 2021 заменена на 24.23 КоАП).
Інакш кажучы, у базе сабраныя дадзеныя спіс людзей, хто падтрымліваў рух за перамены ў Беларусі. У спісе людзі рознага ўзросту, роду заняткаў: пенсіянеры, журналісты (нават БТ і АНТ), студэнты, рабочыя, IT-шнікі ды нават непаўналетнія (больш за 1300 чалавек) ды шмат іншых.
Агульная колькасць людзей у базе сягае 40 тысяч чалавек. Гэта сапраўдны «чорны спіс», які высылаўся ў дзяржаўныя ўстановы ды прадпрыемствы, каб звальняць і арыштоўваць беларусаў.
Разам з тым у базе захоўваліся дадзеныя пра арганізатараў ды выканаўцаў рэпрэсій.
Кіберпартизаны плануюць выкарыстаць атрыманую пры ўзломе інфармацыю для судовых працэсаў супраць супрацоўнікаў МУС і люстрацыі памагатых хунты пасля завяршэння мірнага транзіту ўлады ў Беларусі.
«Гэты спіс будзе суправаджаць узурпатара ўлады на яго апошнім шляху ў Гагу», гаворыцца ў заяве.
юл