Суд Цэнтральнага раёна 13 жніўня разгледзеў іскавую заяву ад МУС Беларусі і прызнаў інфармацыйную прадукцыю партала TUT.BY і яго сацсетак, а таксама Zerkalo.io, экстрэмісцкімі матэрыяламі, паведамляе Zerkalo.io.
Экстрэмісцкімі матэрыяламі прызнаныя інфармацыйная прадукцыя TUT.BY і Zerkalo.io змешчана на сайтах, а таксама у Telegram, Viber, Twitter, Вконтакте, Аднакласніках і TikTok). Экстрэмісцкімі прызнаныя таксама лагатыпы (лічбавыя вадзяныя знакі) TUT.BY і Zerkalo.
Цяпер гэты пералік павінен быць унесены ў Рэспубліканскі спіс экстрэмісцкіх матэрыялаў, пасля чаго распаўсюджванне любой прадукцыі TUT.BY і Zerkalo.io будзе лічыцца адміністрацыйным правапарушэннем.
Рэдакцыя Zerkalo.io плануе абскарджваць рашэнне.
Журналісты Zerkalo.io лічаць, што захоўваюць прынцыпы журналістыкі і беларускія законы і будуць далей працаваць.
Чытаць паведамленні можна і трэба, – кажуць у Zerkalo.io
Ёсць адказнасць за захоўванне, распаўсюджванне і выраб экстрэмісцкіх матэрыялаў (арт. 19.11 КаАП), гэта цягне за сабой адміністрацыйную адказнасць з пакараннем у выглядзе штрафу або арышту.
Проста чытанне ці прагляд матэрыялаў да гэтага не адносяцца.
Гэта значыць, што чытаць навіны Zerkalo.io будзе можна па-ранейшаму на сайце і ў сацсетках.
У беларускім заканадаўстве не прадугледжана адказнасць для герояў публікацый. Таму размаўляць з журналістамі прызнаных экстрэмісцкімі СМІ не забараняецца.
Рэдакцыя Zerkalo.io знаходзіцца за межамі Беларусі. Сілавыя органы не змогуць атрымаць доступ да інфармацыі, якая ёсць у распараджэнні рэдакцыі, і адсачыць яе крыніцы. Рэдакцыя гарантуе ананімнасць чытачам, якія будуць дасылаць навіны, фота і відэа.
Нагадаем, частка былой каманды TUT.BY запусціла новае медыя Zerkalo.io 8 ліпеня.
яс