Праваабаронцы прыводзяць дадзеныя жнівеньскага маніторынгу сітуацыі з правамі чалавека ў Беларусі. У жніўні асуджана не менш за 136 чалавек па «пратэсных» крымінальных справах, затрымана не менш як 209 чалавек, улады ліквідавалі каля 200 некамерцыйных арганізацый. Пры гэтым З 136 асуджаных — 58 у Брэсцкай вобласці.
Апроч таго праваабаронцы адзначаюць, што па-ранейшаму супрацоўнікі міліцыі ўрываюцца ў дамы і кватэры ў пошуках пратэстнай сімволікі, затрымліваюць на працы, праводзяць ператрусы ды допыты за актыўную грамадзянскую пазіцыю і незадаволенасць дзеяннямі ўладаў.
Палітвязні адзначаць наўмыснае пагаршэнне ўмоў іх утрымання, якія мяжуюць з катаваннямі, з'яўляюцца жорсткімі, зневажальнымі і бесчалавечнымі. "Палітычныя" не атрымліваюць ні медыцынскай дапамогі, ні прагулак, ні перадач. Супрацоўнікі ЦІПа працягваюць збіваць затрыманых, не рэагуюць на скаргі, а тых, хто захварэў на COVID-19, часта не лечаць.
Апроч таго за жнівень прызнаныя экстрэмісцкімі больш за 20 тэлеграм-каналаў і груп у сацыяльных сетках сацыяльна-палітычнай тэматыкі. Гэта азначае забарону на цытаванне любых матэрыялаў з названых крыніц пад пагрозай штрафу і адміністрацыйнага арышту. Гэтыя абмежаванні свабоды слова не могуць быць абгрунтаваныя дапушчальнымі, з пункту гледжання міжнародных абавязальніцтваў Беларусі ў галіне правоў чалавека, зазначае Праваабарончы цэнтр «Вясна».
На старонцы цэнтру даступны цалкам жнівеньскі маніторынг сітуацыі з правамі чалавека ў Беларусі.
юл