Спартыўнаму журналісту Аляксандру Івуліну працягнулі тэрмін зняволення

Івуліна абвінавачваюць у перакрыцці руху. 

Аляксандр Івулін

Крыніца: facebook.com/aleksandr.ivulin

Спартыўнаму журналісту і футбалісту «Крумкачоў» Аляксандру Івуліну яшчэ на месяц працягнулі тэрмін утрымання пад вартай, са спасылкай на праваабронца паведамляе euroradio.

Івуліна затрымалі ў пачатку чэрвеня. Адбыўся адміністрацыйны працэс. Журналіста прызналі вінаватым у несанкцыянаванай акцыі – пакаралі за нібыта бел-чырвона-белы сцяг на акне. Івулін на судзе казаў, што пры ператрусе сцяга на акне не было. Але тым не менш мужчыну асудзілі на 30 сутак.

На волю ён так і не выйшаў. Яго спачатку перавялі ў статус падазраванага, а затым прад'явілі абвінавачванне ў межах крымінальнай справы, якая распачатая па арт. 342 КК «Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх».

Івуліна абвінавачваюць у перакрыцці руху. У пачатку ліпеня праваабаронцы прызналі журналіста палітвязнем.

эж