Дзяўчыну аштрафавалі на 2320 рублёў за колер валасоў

«Пікетавала БЧБ-валасамі». 

Ілюстрацыя

Pexels/pixabay.com/CC0

Раніцай 9 верасня на вуліцы Адзінцова ў Мінску затрымалі 19 гадовую Вікторыю Лёвіну. Міліцыянтам не спадабаўся колер валасоў дзяўчыны, таму яе затрымалі і адвезлі ў Фрунзенскі РУУС. На Вікторыю склалі пратакол па арт. 24.23 КаАП, дзе пазначылі, што яна «правяла пікетаванне, маючы на галаве афарбоўку валасоў бел-чырвона-белага колеру, піша Вясна.

Суд над дзяўчынай адбыўся ў той жа дзень у судзе Фрунзенскага раёна. Вікторыя распавяла, то валасы пафарбавала амаль паўгады таму дзеля жарту. Адразу яны былі белыя, а ззаду некалькі пасмаў чырвонага колеру. Але ў дзяўчыны адраслі чорныя карані валасоў, таму яны цяпер маюць афарбоўку «чорна-бел-чырвоную».

Суддзя Наталля папрасіла па скайпу Лёвіну павярнуцца і паказаць, як выглядае колер валасоў. Суддзя адзначыла, што ў яе «вельмі цікавая і арыгінальная прычоска» і прызнала Вікторыю вінаватай. Вынік – штраф у памеры 80 базавых.

ав