Дзмітрыя Баскава выключылі са складу Савету КХЛ

Дысцыплінарная камісія Міжнароднай федэрацыя хакею на лёдзе (IIHF) вырашыла дыскваліфікаваць са спартовай дзейнасці старшыню Федэрацыі хакею Рэспублікі Беларусь (ФХРБ) Дзмітрыя Баскава. 

Дзмітрый Баскаў

Фота: hockey.by

13 верасня Агульны сход удзельнікаў ТАА «Кантынентальная хакейная ліга» абраў новы склад Савету дырэктараў КХЛ на сезон 2021/2022. У яго не ўвайшоў былы кіраўнік Федэрацыі хакея Беларусі і старшыня назіральнага савету менскага «Дынама» Дзмітрый Баскаў, піша Белсат.

Замест Баскава ў савеце КХЛ будзе генеральны дырэктар ЗАТ «Хакейны клуб «Дынама-Мінск» Сяргей Сушко.

Нагадаем, што Дысцыплінарная камісія Міжнароднай федэрацыя хакею на лёдзе (IIHF) вырашыла дыскваліфікаваць са спартовай дзейнасці старшыню Федэрацыі хакею Рэспублікі Беларусь (ФХРБ) Дзмітрыя Баскава. Рашэнне апублікавалі 8 верасня.

Рашэнне прынялі пасля 10-месячнай праверкі дысцыплінарнай камісіі. Тая прызнала Баскава вінаватым у парушэнні Нормаў паводзінаў IIHF праз спробы наўпроставага ўплыву на іншых, каб тыя падтрымлівалі ўрад Беларусі, у пагрозах і дыскрымінацыі беларускіх атлетаў праз іхныя палітычныя погляды. Таксама Баскава прызналі вінаватым у парушэнні артыкулу 5 Алімпійскай хартыі і правілаў IIHF праз адкрытае падтрыманне Аляксандра Лукашэнкі.

Пасля гэтага Дзмітрый Баскаў напісаў заяву аб сыходзе з Федэрацыі хакея Беларусі.

ав