Праваабаронцы Грузіі заклікалі адмовіць Ярмошынай у акрэдытацыі на выбарах

Прадстаўнікі беларускай дыяспары і грузінскія актвісты плануць зладзіць акцыі пратэсту каля будынкаў парламента і ЦВК у Тбілісі.

Lidzija Jarmoszyna. Zdjęcie archiwalne

Włodzimierz Pac, Polskie Radio

Кампанія «Праваабаронцы за свабодныя выбары ў Беларусі» заклікала ЦВК Грузіі перагледзець рашэнне аб акрэдытацыі Лідзіі Ярмошынай у якасці назіральніцы на мясцовых выбарах, паведамляе euroradio cа спасылкай на «Вясну».

Цэнтральная выбарчая камісія Грузіі акрэдытавала ў якасці міжнародных назіральнікаў групу прадстаўнікоў ЦВК Беларусі, у тым ліку старшыню ЦВК Беларусі Лідзію Ярмошыну.

Прадстаўнікі кампаніі «Праваабаронцы за свабодныя выбары» лічаць гэта недапушчальным. На іх думку, акрэдытацыя Ярмошынай азначае, што грузінскія інстытуты разам з ЦВК Грузіі фактычна падтрымліваюць фальсіфікацыю вынікаў галасавання на выбарах у Беларусі.

Бліжэйшымі днямі прадстаўнікі беларускай дыяспары і грузінскія актвісты плануць зладзіць акцыі пратэсту каля будынкаў парламента і ЦВК у Тбілісі.

Мясцовыя выбары ў Грузіі пройдуць 2 кастрычніка.

эж