У канцы жніўня Нацыянальнае антыкрызіснае ўпраўленне анансавала прававую канферэнцыю ў Нюрнбэргу. Яна неабходна, каб паскорыць працу па прызнанні рэжыму Лукашэнкі тэрарыстычным і прыцягненнi да адказнасці вінаватых у рамках універсальнай юрысдыкцыі.
Канферэнцыя запланаваная на 11 кастрычніка.
У Нюрнбэргу сустрэнуцца палітыкі, юрысты і праваабаронцы, каб зацвердзіць план дзеянняў, які наблізіць правасуддзе над рэжымам. НАУ арганізуе анлайн-трансляцыю канферэнцыі. Прызнанне рэжыму Лукашэнкі тэрарыстычным – гэта ўнікальны працэс. Расследаванне абцяжарана тым, што прадстаўнікі нелегітымнай улады яму перашкаджаюць. Яго даводзіцца весці за межамі краіны месца злачынства.
У суд ААН ужо падавалі пазоў супраць Беларусі па пытанні катаванняў, але суд ААН адзін, а ў свеце шмат краін з праблемамі. Па словах юрыстаў, працэдура прыняцця справы на разгляд можа заняць не адзін год. Чым больш медыйнай і палітычнай увагі будзе прыцягнута да праблемы, тым больш шанцаў на поспех.
Тэлеграм/нг