Абмежаванні на наведванне лясоў знятыя ва ўсіх рэгіёнах Беларусі па стане на нядзелю, 19 верасня. Адпаведную інфармацыю апублікавалі на інтэрактыўнай мапе на сайце Міністэрства лясной гаспадаркі, паведамляе «Свабода».
Раней абмежаванні ўводзіліся, зыходзячы з патрабаванняў супрацьпажарнай бяспекі, у значнай частцы раёнаў краіны, уключаючы сталічны рэгіён.
Абмежаванні, у адрозненне ад забаронаў, закраналі не ўсе лясы рэгіёну, а іх асобныя ўчасткі. Забароны ж азначалі поўную адмову ад наведвання лясоў грамадзянамі, у тым ліку для прагулак ці адпачынку на прыродзе, а таксама забаранялі ўезд туды транспарту, за выключэннем службовага.
аз