Беларусы зарабляюць менш, чым у 2013 годзе. За 8 гадоў эквівалент сярэдняй зарплаты беларусаў у пераліку на долары не дасягнуў узроўню, які быў да крызісу 2014 года. Беларусы па-ранейшаму атрымліваюць менш, чым тады.
У канцы 2014 года ў краіне разразіўся крызіс, які прывёў да рэзкай дэвальвацыі беларускага рубля. Як вынік, значна ўпалі і зарплаты беларусаў у пераліку на долары.
У жніўні бягучага года сярэдняя зарплата ў Беларусі склала 583 USD у эквіваленце. У намінальных доларах (без папраўкі на інфляцыю долара) гэта больш, чым у 2019-2020 гг. Аднак, калі параўноўваць гэты ўзровень з дакрызіснымі паказчыкам жніўня 2013-2014 гг., то вынік будзе не на карысць бягучага года.
У жніўні 2019-га сярэдні заробак па краіне складаў роўна 622 USD, у жніўні 2014 года - 614 USD. Як бачна, нават у намінале тагачасныя заробкі беларусаў былі вышэйшыя, чым сённяшнія. А калі яшчэ ўзяць пад увагу інфляцыю самой амерыканскай валюты, дык розніца ў пакупніцкай здольнасці заробкаў можа дасягнуць 15-20% - не на карысць бягучага года.
Таксама важна, што расслаенне работнікаў па заробках было меншым, чым цяпер.
banki24.by/нг