«Прааналізаваўшы падзеі апошняга года і асабліва апошняга тыдня, «Комсомольская правда» прыняла рашэнне закрыць сваё прадстаўніцтва ў Мінску. Усім супрацоўнікам будуць выплачаныя грашовыя кампенсацыі або прапанаваная праца на іншых прадпрыемствах КП», — гаворыцца ў паведамленні.
Год таму газету прыбралі з кіёскаў, а пасля страляніны на Якубоўскага быў заблакаваны сайт, а журналіст Генадзь Мажэйка быў затрыманы КДБ 1 кастрычніка паводле артыкулаў 130 ("Распальванне расавай, нацыянальнай, рэлігійнай альбо іншай сацыяльнай варожасці") і 369 ("Абраза прадстаўніка ўлады") КК. Яго перавялі ў следчы ізалятар.
Дадзеныя крокі выклікалі негатыўную рэакцыю расійскага Саюза журналістаў і Крамля. Міністэрства інфармацыі Беларусі заявіла ў адказ, што «Комсомольская правда» у Беларусі" з'яўляецца беларускім выданнем.
юл