На сайце Мінфіна Беларусі апублікаваны дакумент «Інфармацыя аб асноўных зменах, якія ўносяцца ў Падатковы кодэкс». У праекце гаворыцца пра «увядзенне абавязку па вылічэнні і выплаце ПДВ замежнымі арганізацыямі і замежнымі ІП пры электронным дыстанцыйным продажы тавараў». Нагадаем, памер ПДВ у Беларусі — 20%.
Такая мера накіравана на «выраўноўванне ўмоў падаткаабкладання ПДВ тавараў, што рэалізуюцца на тэрыторыі Беларусі».
Цяпер беларускія крамы выплачваюць ПДВ пры рэалізацыі тавараў, а замежныя прадаўцы пры электронным продажы тавараў не з'яўляюцца плацельшчыкамі ПДВ.
Дадзеная норма ўступіць у сілу з 1 ліпеня 2022 года.
Апроч таго Мінфін плануе скасаваць ільготы ў падаткаабкладанні для індывідуальных прадпрымальнікаў.
З 1 студзеня 2023 году плануюць скасаваць для ІП адзіны падатак і забараніць для іх ужыванне спрошчанай сістэмы падаткаабкладання.
Як прагназуецца, ІП будуць выплачваць падаткі агульным парадкам: уносіць падаходны падатак па стаўцы збору на прыбытак і з выплатай ПДВ, калі выручка перавысіць устаноўленую мяжу.
юл