«У Беларусі, у сувязі з кавідам здзяйсняецца службовы падлог і не прадстаўляецца верагодная інфармацыя», адзначыў Павал Латушка на прэс-канферэнцыі ў Нюрнбергу пасля дэбатаў, прысвечаных злачынствам Лукашэнкі і адказнасці за іх.
Непрызнанне Лукашэнкам і яго ўрадам гэтай праблемы прывяло і прыводзіць да таго, што ўсё больш і больш людзей памірае. Гэта таксама павінна атрымаць адпаведную прававую кваліфікацыю, - падкрэсліў кіраўнік Народнага антыкрызіснага ўпраўлення.
Павал Латушка сказаў, што Польшча прапанавала беларускім уладам дапамогу.
- Мы абмяркоўвалі з польскім кіраўніцтвам магчымасць аказання дапамогі з вакцынацыяй беларускаму насельніцтву. Абмяркоўваліся дзве канкрэтныя прапановы. Перш за ўсё арганізаваць вакцынацыю на мяжы, на памежных пераходах, і другая прапанова – перадача гуманітарнай дапамогі для беларускага кіраўніцтва (непрызнаванага намі кіраўніцтва), але для аказання ў гуманным мэтах, медыцынскай падтрымкі Беларусі. Наколькі мне вядома, гэтыя прапановы не былі прынятыя беларускім бокам.
Zerkalo.io атрымала ўнутраныя дадзеныя аб COVID-19 у Мінску за 7 кастрычніка.
У дакуменце - больш за тры тысячы экстранных паведамленняў, якія зарэгістравалі эпідэміёлагі 83 мінскіх арганізацый аховы здароўя - паліклінік, бальніц, РНПЦ, медцэнтраў.
яс