Пра тое, што на Сяргея заведзена крымінальная справа, даведалася былая жонка Алена Каваленка, якую спрабавалі выклікаць у якасці сведкі.
Следчы сказаў, што сёлета ў жніўні мінскім СК сумесна з КДБ была заведзена крымінальная справа па артыкуле 370 КК Рэспублікі Беларусь. Прычынай паслужыла нейкае відэа ў інтэрнэце. Менавіта якое - невядома.
Сяргей Каваленка стаў вядомы, калі 7 студзеня 2010 года вывесіў у цэнтры Віцебска на верхавіне святочнай яліны нацыянальны бела-чырвона-белы сцяг. За гэты ўчынак актывіста асудзілі тады на тры гады.
Для Беларускай службы Польскага радыё Святаслаў Бруйко, Віцебск