На інтэрнэт-платформе petition.by створана петыцыя з просьбай правесці праверку ў дачыненні афіцыйнай газеты Чашніцкага райвыканкама «Чырвоны прамень». Аўтары петыцыі лічаць, што ў газеце быў размешчаны фотаздымак з лагатыпам выдання, якое было прызнана экстрэмісцкім.
Гаворка ідзе пра нататку пра адкрыццё вакансіі на пасаду ваеннага кіраўніка ў сярэдняй школе. Матэрыял ілюструецца фотаздымкам з лагатыпам TUT.BY. У Беларусі ўжо норма, калі грамадзян караюць за рэпосты матэрыялаў, якія ўлады прызналі «экстрэмісцкімі». Ці будзе пакарана дзяржаўная газета – вялікае пытанне.
Для Беларускай службы Польскага радыё Святаслаў Бруйко, Віцебск