Парталу TUT.BY споўнілася б сёння 21 год. Аднак рэжым Лукашэнкі разграміў выданне, каб змусіць журналістаў замоўкнуць. 18 мая ў офіс TUT.bу прыйшлі супрацоўнікі Дэпартамента фінансавых расследаванняў. Ператрусы прайшлі дома ў галоўнага рэдактара і журналістаў, а таксама ў рэгіянальных офісах выдання. КДК распачаў крымінальную справу паводле артыкулу аб нясплаце падаткаў, сайт TUT.by быў заблякаваны, а 15 супрацоўнікаў кампаніі і яе партнёраў затрыманыя. Усе матэрыялы за 21 год працы прызнаныя экстрэмісцкімі.
Планы ўладаў не споўніліся, частка каманды TUT.BY стварыла новы партал Zerkalo.io. Сёння яны разам з галоўнай рэдактаркай TUT.BY Марынай Золатавай вырашылі нагадаць усім, якім быў самы важны сайт байнэту і тым, чаму яго справа будзе жыць.
- TUT.ВY ніколі не быў гісторыяй аднаго чалавека. І ўсяго гэтага ў беларусаў не адняць ні блакаваннямі, ні адабраннем сервераў, ні затрыманнямі, ні крымінальнымі справамі.
Нягледзячы на тое, што партал TUT.BY разгромлены, шматлікія працаўнікі за кратамі, а ўсе матэрыялы за 21 год працы прызнаныя экстрэмісцкімі, выданне працягвае сваю працу пад назвай Zerkalo.io.
Журналісты гэтага выдання распавялі, што іх стала менш, на іх аказваецца каласальны ціск. Але менш чым за тры месяцы Выданне зноў стала галоўным грамадска-палітычным медыя краіны. Кожны месяц да нас заходзіць амаль 2,7 мільёна чалавек. У месяц нашы навіны адкрываюць больш за 30 мільёнаў разоў - і гэтая лічба пастаянна расце.
юл