Сёння ў судзе Ленінскага раёна Мінска суддзя Юлія Шут арыштавала заснавальніка крамы Symbal.by Паўла Белавуса па ч. 1 арт. 24.23 КаАП на 15 сутак. Яму прыпісалі бяспраўнае арганізаванне масавага мерапрыемства.
Таксама баранавіцкаму актывісту руху «За свабоду» Юрыю Казакевічу прысудзілі 15 сутак арышту.
Казакевіча затрымалі 18 лістапада пасля ператрусу. Сёння адбыўся суд – суддзя Сяргей Данільчык прысудзіў яму 15 сутак арышту па ч.2 арт. 19.11 КаАП (распаўсюджванне інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць).
Паведамляецца, што мужчыну абвінавачвалі ў размяшчэнні матэрыялу TУT.БАЙ у мясцовым тэлеграм-чаце ў верасні 2020 года.
яс